الفين وحداشر

بصوا .. 2011 كانت سنة سودة ده اكيد .. رخمة و تقيلة على قلبنا كلنا و لحد اخر يوم فيها اللى هو النهاردة بنقول يا رب يعدي على خير عشان نخلص .. اللذيذ اننا كل سنة في نفس الوقت ده بنقعد نتمنى ان السنة الجاية تكون احسن .. 2010 كانت زبالة .. 2011 جت انيل .. 2012 .. ايه بقى يا حلوة ؟؟؟
عالمستوى الشخصي اكيد اكيد كل واحد في كل سنة عدى عليه احداث كويسة ماهو متقنعنيش ان كل 2011 ولا 2010 بالنسبالك كانت خراشو :D !!  بس عامة كل واحد و نظرته .. يعني مثلا الثورة .. ناس شايفاها حاجة جميلة جدا خالص مالص و كدهون .. ز ناس شايفاها خراب مستعجل .. لانه مكنش عارف يخرج ايام الثورة .. لان كل شوية يلاقي عالتايم لاين بتاعه او الهوم بيدج عالفيس بوك صور ناس مقتولة و اعتقالات و بلا بلا فا اتخنق :) .. واحدة صاحبتنا مثلا علمت على ناس اد كدة شايفة دي حاجة كويسة انها الحمد لله خلصت منهم :) او واحدة تانية شايفاها حاجة وحشة .. اوووه ماى جود هاو زا هيل شي ديد زات تو مى ؟؟؟ اهئ اهئ ... بتختلف من حد للتانى :))
2011 حلوة ووحشة بالنسبالى عامة بعد الرغى اللى فوق ده كله :D ... من اولها كانت زبالة .. زبالة زبالة يعنى ... كنت الى حد ما ضعيفة جدا ... بعدين جت الثورة ... بعدين اتخدعت في واحدة كانت بقى و معرفش كنت ازاى بقول عليها انتيمتى .. و حصل حاجات كتيرو وحشة على مدار السنة اخرها انى اوفيشيالى علمت على واحدة صاحبتى من اسبوع :)
ماااااااااااااااااااا علينا
2011 بجد غيرتنى تماما ... ( جو بقى انا كبرت و كدزة :D ) لا لا خالص .. :D ... اولا لقيت حاجات تانية اولى باهتمامى .. مش عارفة اوصفلكوا ازاى ... الثورة دى بجد جميلة اوى :) .. علمتنى ان دايما في امل :) .. عرفت من خلالها ناس كتير ... اجدع و اجمل ناس في العالم .. ده غير انى من خلالها عرفت خطيبي ( مصلحة بقى :D ) حلو اوى ان يكون شريكك في الحياة اهتماماتك هي اهتمامته ... اه انا ساعات بخاف بس ده طبيعي بقى اعذرنى يا مهاب :D
في 2011 كانت اول مرة اروح مشرحة و امشي في جنازة و امشي في مسيرات و مظاهرات و اهتف  ... سنة سوخة :D
بس كانت اول مرة اعرف يعنى ايه تبقى انسان ...
مااااااااااا علينا
عرفت ان عندى احلى عيلة في الدنيا و مش فاهمة انا ازاى مكنتش واخدة بالى من كدة سنين فاتت ... لانى يمكن مكنتش بفكر بالطريقة دى :) .. ربنا يخليهم ليا :)
2011 عرفت احلى صحاب بجد .. و صداقتى مع ناس تانية مكملة ... سايف عرفنى على احلى ناس في العالم ... احمد شحاتة اخويا بجد :) .. سما .. زينب .. عليا شحاتة ... سايف نفسه مجتمع حلو اوى :)
و مقلكوش بقى قضيت احلى اجازة صيف ... سافرت كتشيرررررر و قضتها يعنى ...
احب اقول هنا .... بيج لاف يو تو رنيم ، ميادة ، شروق ، دينا زكريا :D
عيد ميلادى كان احلى عيد ميلاد :) بيج ثانك يو جوز تو مهاب :$
خطوبتى كانت احلى يوم في حياتى و عرفت يومها مين اللى صحابي بجد و مين اللى بخ :D
يعنى السنة في مجملها كانت متوازنة جدا ... نيلة و هباب كتييير ... و حاجات حلوة بردك :)
احب اقول للعسكر .. ان شاء الله سنة منيلة على دماغكو كلكوا ... انا متأكدة من ده .. و سنة حلوة عالثوار  :) .. احب اقول ان الثوار اللى اعرفهم اجدع و اجمل ناس ممكن تقابلوهم في حياتكم ... هير اى هاف تو منشن عليا جابر حبيبتى :)
يا توييييييييييبس .. انتو اجمل ناس والله ...
اه نسيت اقول ان دي اخر سنة ليا في الكلية ... زعلانة لان دى السنة اللى بدات اعيش حياتى فيها في الكلية بجد :D و فرحانة لانى هخلص من الهم ده :)
مش عارفة اقول ايه تانى كل شوية بفتكر حاجة بكتبها ... عامة اللى اتعلمته من 2011
بيج بيج بيج طز في اى حد يدايقنى ... :)




سلام بقى انا طولت عليكو اوى و اكيد زهقتوا :D
هابي نيو 2012 :))))

المرأة فيها سم قاتل !!!

مش عارفة اقول انا حساسة زيادة عن اللزوم .. مش بستحمل حد يقول عليا حاجة ... بس بعد اللى حصل معايا النهاردة على تويتر مبقاش عندي استعداد اتعمل مع اي سلفي او اخوانى .. ممكن اكون عممت لان في منهم كويسين بس قليل اوى .. بس من الاخر كدة زي ما بنقول انا اتقفلت خااااالص !!!

كنت علطول بسمع عن التشدد في الاسلام و اشوف صور و كلام بيتقال و مش عارف الشيخ مين قال على فلان كافر و على فلانة خارجة عن الدين و لبس فلانية مش عارفة ماله و بتاع ... بس االنهاردة لقيت واحد بيقولى انى وشي اللى هو في الافاتار بتاعى على تويتر فتنة .. 1سم في 1سم وشي بس اللى باين ... فتنة !!!  عشان وشي باين .. بقيت بالنسباله معرض للى رايح و اللى جاي !!!

الحقيقة اننا مجتمع ثقافته منيلة بنيلة .. الشيخ النهاردة قال كذا يبقى هو كدة ... و الحقيقة برضه ان اكتر ناس عاملين فيها متدينين هم اكتر ناس بيتحرشوا بالبنات عيني عينك في الشارع و الميدان النهاردة 18 نوفمبر اكبر دليل على كدة و اكيد ده مش وليد صدفة .. الميدان كان أأمن مكان لاى بنت في المليونيات ..

االحقيقة ان قطاع كبير من المصريين هيفضل يبص للبنت او الست على انها كائن مضر و نجس  و بيستخدم لغرض الجواز و بس ... انها شيئ مقزز لازم يطلع عين اللى جابوها لمجرد انها بنت ... لو عملت نص حاجة امة لا اله الا الله تتكلم ... عشان كدة انا ضد مقولة الحسنة تخص و السيئة تعم .. موضوع علياء المهدي قلب عالبنات كلها .. لمجرد ان وشي باين .. واحد تانى يقوللى اه ماهى دي حرية علياء المهدي بتاعكو ..

مجتمعنا مريض بجد ... نتيجة 60 سنة تخلف و جل ... الاسلام ارقى من كدة بكتير .. الاسلام بيدي للمراة حريتها في العمل و يبقى ليها دور ايجابي في المجتمع .. على فكرة انا مش المسلمة الكاملة يعني مش هنكر اني مقصرة في حاجات كتيرة تجاه ربنا بس الاكيد الاكيد ان ربنا مقالش ان وش المرأة فتنة ... لدرجة ان ممكن يكون كمان صوتها فتنة و مينفعش تصوت في الانتخابات ..

عزيزى المسلم ... المراة عار و فيها سم قاتل .. بس كدة

نص شهادة المشير

توضيح: الشهادة اتنشرت, بنحاول نعيد نشرها من أكبر عدد ممكن عشان ماحدش يتاخد بسبب كسر حظر النشر, مع العلم بأن اول

من خرق حظر النشر كان التليفزيون المصري و تعمد الكذب

http://www.25jan-news.com/article.php?id=47997

لو مهتم تشيل معانا جزء من المسؤولية اعد نشر الشهادة باسمك, او اكتفي بقرائتها :)

س١ : حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده ؟

ج1 : الاجتماع كان برئاسة رئيس الوزراء واعتقد أننه بلغ

س2 : بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك ؟

ج2 : ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد

الرئيس ؟

س3: ما الذي أبداه رئيس الجمهورية في هذه اللقاءءات ؟

ج٣-4 : أعطي الرئيس الأمر لقائد القوات المسلحة اللي هي نزول القوات المسلحة لتأمين المنشآت الحيوية وهذا ما حدث

ج٣-3: القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائد القوات المسلحة - يتبع

ج٣-2: كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة يتبع

ج3: اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها يتبع

س٤-2: استعمال قوات الشرطة القوة ضد المتزاهرين بما فيها استخدام الاسلحة الخرطوش والنارية من 25 يناير حتي 28 يناير ؟

س4 : هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين؟ يتبع

ج4 : ليس لدي معلومات عن هذا واعتقد ان هذا لم يحدث

س5: هل ترك رئيس الجمهورية السابق للمتهمين المذكورين من أساليب لمواجهة الموقف ؟

ج5 : ليس لدي معلومات

س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة ؟

ج6 : هذا ما يخص الشرطة وتدريبها ولكني أعلم ان فض المظاهرات بدون استخدام النيران

س7 : هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟

ج7 : ليس لدي معلومات

س8 : تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم سيادتك وبم تفسر ؟

ج8: إنا معنديش معلومات بكده.. الاحتمالات كتير لكن مفيش معلومة عندي

س9 : هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين ؟

ج9 : إنا معرفش ايه اللي حصل

س10 : هل تستطيع سيادتك تحديد هل كانت هناك عناصر أخري تدخلت ؟

ج10 : هيا معلومات غير مؤكدة بس اعتقد ان هناك عناصر تدخلت

س11 : وما هي تلك العناصر ؟

ج11 : ممكن تكون عناصر خارجة عن القانون

س12 : هل ورد لمعلومات سيادتك ان هناك عناصر اجنبية قد تدخلت ؟

ج12 : ليس لدي معلومات مؤكدة ولكن ده احتمال موجود

س13 : وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر

أو تكليفات في كيفية التعامل ؟

ج13 : رئيس الجمهورية ممكن يكون أصدر أوامر - طبعا من حقه ولكن كل شئ له تقييده المسبق وكل واحد عارف مهامه

س14 : ولمن يصدر رئيس الجمهورية علي وجه العموم هذه الأوامر ؟

ج 14 : التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك

س15 : وهل يجب قطعا علي من تلقي أمر تنفيذه مهما كانت العواقب ؟

ج15 : طبعا يتم النقاش والمنفذ يتناقش مع رئيس الجمهورية وإذا كانت الأوامر مصيرية لازم يناقشه

س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين الصادر منه شخصيا؟؟

ج16 : إذا كان أصدر هذا الأمر وهو التعامل باستخدام النيران أنا اعتقد ان المسئولية تكون مشتركة وأنا معرفش ان كان أعطي هذا الأمر أم لا

س17: وهل تعلم ان رئيس الجمهورية السابق كان علي علم من مصادره بقتل المتظاهرين ؟

ج17: يسأل في ذلك مساعديه الذين ابلغوه هل هو علي علم أم لا

س18: وهل تعلم سيادتكم ان رئيس الجمهورية السابق قد تدخل بأي صورة كانت لوقف نزيف المصابين ؟

ج18 : اعتقد انه تدخل وأعطي قرار بالتحقيق فيما حدث وعملية القتل وطلب تقرير وهذه معلومات

س19: هل تستطيع علي سبيل القطع والجزم واليقين تحديد مدي مسئولية رئيس الجمهورية السابق عن التداعيات التي أدت إلي إصابة وقتل المتظاهرين ؟

ج19 : هذه مسئولية جهات التحقيق

س20: هل يحق وفقا لخبرة سيادتكم ان يتخذ وزير الداخلية وعلي وجه العموم ما يراه هو منفردا من اجراءات ووسائل وخطط لمواجهة التظاهرات دون العرض على رئيس الجمهورية ؟؟

ج20: اتخاذ الاجراءات تكون مخططة ومعروف لدي الكل في وزارة الداخلية ولكن في جميع الحالات يعطيه خبر بما يخص المظاهرات ولكن التظاهر وفضه  هي خطة و تدريب موجود في وزارة الداخلية 

س21 : وهل اتخذ حبيب العادلي قرار مواجهة التظاهر بما نجم عنه من إصابات ووفيات بمفرده بمساعدة المتهمين الاخرين في الدعوى المنظورة و ذلك من منظور ما وصل لعلم سيادتك ؟؟

  ج 21 : معنديش علم بذلك

س22 : علي فرض إذا ما وصلك تداعيات التظاهرات يوم 28 يناير إلي استخدام قوات الشرطة آليات مثل اطلاق مقذوفات نارية أو استخدام السيارت لدهس المتظاهرين .. هل كان امر اسنعمالها يصدر من حبيب العادلي  و مساعديه بمفردهم ؟

: ج 22 : ما أقدرش أحدد اللي حصل أيه ولكن ممكن هو اللى اتخذها وأنا ما أعرفش واللى اتخذها مسئول عنها

س23: هل يصدق القول تحديداً وبما لا يدع مجالاً للشك أو الريبة أن رئيس الجمهورية السابق لا يعلم شيئاً أو معلومات أيا كانت عن تعامل الشرطة بمختلف قواتها ام انه لم يوجه ثمة اولمر او تعلمات بشأن التعامل و الغرض انه الموكل اليه شئون مصر  و الحفاظ على امنها ؟؟

: ج23 : أنا ما أعرفش اللى حصل أيه لكن أعتقد إن وزير الداخلية بيبلغ وممكن ما يكونش مش عارف بس أنا ما أعرفش

س24 : هل هناك اصابات أو وفيات لضباط الجيش ؟ ج 24 : نعم هناك شهداء

س25 : هل تعاون وزير الداخلية مع القوات المسلحة لتأمين المظاهرات ؟ ج 25 : لأ

س26 : هل أبلغت بفقد ذخائر خاصة بالقوات المسلحة؟ ج26: مفيش حاجة ضاعت لكن هناك بعض الخسائر في المعدات واتصلحت ومفيش مشكلة

س27: هل أبلغت بدخول عناصر من حماس أو حزب الله عبر الأنفاق أو غيرها لإحداث إضرابات ؟

 ج27 : هذا الموضوع لم يحدث أثناء المظاهرات واحنا بنقاوم الموضوع ده واللي بنكتشفه بندمره وإذا كان فيه حد محول لمحكمة فهذا ليس أثناء المظاهرات

س28: هل تم القبض على عناصر أجنبية في ميدان التحرير وتم إحالتهم للنيابة العسكرية ؟ ج28: لا ..لم يتم القاء القبض على أى أحد

س29: فى الاجتماع الذي تم يوم 20 يناير هل تم اتخاذ قرار بقطع الاتصالات؟ ج29 : لم يحدث

س30: بعض اللواءات قالوا طلب منا فض المظاهرات بالقوة..هل طلب من القوات المسلحة التدخل لذلك ؟

ج30: أنا قلت فى كلية الشرطة في تخريج الدفعة إن أنا بأقول للتاريخ إن أي أحد من القوات المسلحة لن يستخدم النيران ضد الشعب

اول تدوينة في حياتي ...

انا مش عارفة اكتب ايه في اول تدوينة اكتبها في ستين حاجة نفسي اكتب عنها .. الثورة و المجلس و المحاكمات العسكرية و مصر و فلسطين و اسرائيل .. بس يمكن انا حاسة اني اليوم اللي فاتو فقدت السينس السياسي :) يمكن عشان اليومين اللي فاتو حصل حاحة في حياتي مهمة اوى و حاسة اني بقيت مشغولة و هتشغل اوى .. انا مبقتش احب ان كل الدنيا بالنسبة لى تبقى خروج و فسح و تليفون و بتاع .. بقيت حاسة ان في حاجات اولى بالاهتمام دا و انا كنت اصلا كدا :) زي عيلتي .. و طبعا طبعا اللي بيحصل في مصر .. انا مكنتش كدا بس مش هقول برضه الثورة غيرتنى و الكلام دا بس حسيت بحاجات تانية اهم بكتير .. حسيت بحلاوة انك تهتم ببلدك .. تسعى بكل ما فيك انك تعمل حاجة ولو حتى بكلمة تنشرها حتى لو هيقراها واحد بس لو انت مؤمن انها ممكن تغير فيييه فعلا :) ..

انا كتير حسيت ان فاكس اوى اعمل مدونة بس بالصدفة شفت تويت عت جوجل بلوج و دخلت اللينك و لقيت الماوس رايح ناحية انشاء مدونة .. مع انى لحد دلوقتي مش قادرة ارتب اغكاري ولا عارفة اقول اييه ولا هتكلم و اكتب عن اييه بس واحدة واحدة هتيجي معايا :)

النهاردة 4 اغسطس تارخ اول تدوينة اكتبها .. يا رب اكمل :) .. و اقدر اساعد اي قضية انا مؤمنة بيها بأى حاجة بأنى اوصل صوتى مش لكل الناس عالاقل الناس اللي ممكن يقرولي او حتى يقروا عنوان التدوينة :)

ليديز اند جينتل من زيس ايز ماي فيرست تدوينة :) 

السلام عليكم :)